Біздің мектебіміздің 3, 4, 5 және 6-сынып оқушылары республикалық «Алтын сақа» математикалық олимпиадасының мектепішілік кезеңінде жоғары нәтиже көрсетіп, жүлделі орындарға ие болды!
Бұл жетістік — оқушылардың талпынысы мен табандылығының, ал ұстаздардың еңбегі мен қамқорлығының айқын дәлелі. Әрбір қатысушының бойындағы білімге деген ынта мен ұмтылыс — мектебіміздің мақтанышы!
Математика пәні — тек сандар әлемі ғана емес. Ол — логика мен ой ұшқырлығын дамытатын, табандылыққа, дәлдікке, дұрыс шешім қабылдауға үйрететін ғылым. Олимпиадада жеңімпаз атанған жас математиктеріміздің еңбегі бізге үлкен қуаныш пен шабыт сыйлады.
Жас зияткерлерімізге толағай табыс, ал оларға жол көрсеткен ұстаздарға алғыс білдіреміз!
Алдағы кезеңдерде де биік белестерді бағындыра берулеріне тілектеспіз!
