Ағымдағы жылдың 5 желтоқсанында жоспарға сәйкес психологиялық-педагогикалық қолдау қызметінің №2 отырысы өтті.
Отырыста төмендегі мәселелер қарастырылды:
- «Жеке оқу бағдарламасын құру алгоритмі»
Мектеп дефектологы: А.Б. Узақбаева - «Ерекше білім беруді қажет ететін (ЕББҚ) оқушылармен психологиялық, түзету-дамыту жұмыстары»
Мектеп психологы: Б.А. Күккузова - «Педагог-логопедтің ЕББҚ балалардың тілдік коммуникациясын дамытуға бағытталған коррекциялық жұмысы»
Мектеп логопеді: С.Е. Қарамергенова
Отырыстың мазмұны:
Мектеп дефектологы А.Б. Узақбаева ерекше білім беруді қажет ететін оқушыларға арналған жеке оқу бағдарламасын құру алгоритмімен таныстырып, оны әзірлеу кезеңдері мен талаптарын түсіндірді.
Мектеп психологы Б.А. Күккузова ЕББҚ оқушылардың әлеуметтік ортадан оқшауланбауының маңызын атап өтіп, сыныптастары және сынып жетекшілері тарапынан қолдау ұйымдастыру қажеттігін ұсынды.
Мектеп логопеді С.Е. Қарамергенова ПМПК қорытындысындағы диагноздарға сүйене отырып, оқушылардың сөйлеу тілін дамытуға бағытталған логопедиялық түзету жұмыстарын түсіндірді. Сонымен қатар, оқушыларды белсенді сөйлеуге, мазмұнды әңгімелеуге, қоғамдық іс-шараларға қатыстырудың тиімділігін атап өтті.
Отырыста пән мұғалімдері сұрақтар қойып, қажетті мәліметтермен толық танысты. Жиын өз мақсатына сай мазмұнды және нәтижелі өтті.