Отырыс барысында білім алушылардың оқу процесіндегі, мінез-құлқындағы және әлеуметтік даму мен бейімделуіндегі туындаған қиындықтарды шешу жолдары қарастырылды. Сонымен қатар, ерекше білім беруді қажет ететін оқушыға төмендетілген оқу жүктемесін енгізу тәртібі таныстырылды.
Ата-анасына қиындық тудыратын пәндер бойынша дефектолог және логопед мамандарымен жүйелі жұмыс жүргізуге ұсыныс беріліп, бағыттау жұмыстары жасалды.
Отырыстың негізгі талқыланған мәселелері:
- оқушының жеке даму ерекшеліктері мен бейімделу деңгейін бағалау;
- психологиялық-педагогикалық қолдау түрлерін айқындау;
- мамандар тарапынан көрсетілетін түзету-педагогикалық көмектің мазмұнын нақтылау;
- ата-анамен бірлесе әрекет етудің тиімді жолдарын белгілеу;
- білім алушы үшін қауіпсіз және қолайлы оқу ортасын қамтамасыз ету.
Қатысушылар:
ППК отырысына мектеп директоры А.Ш. Оралбаева, директордың оқу ісі жөніндегі орынбасары М.Б. Смағұлова, мектеп психологы Б.А. Күккузова, әлеуметтік педагог, ассистент Г.Б. Спанова, сынып жетекшісі И.Н. Орынқұлова, ата-ана А. Бисенова қатысты.
Жиналыс барысында әр маман өз ұсыныстарын білдіріп, оқушыға қажетті қолдау бағыттары анықталды. Отырыс нәтижесінде білім алушының оқу жетістігін арттыруға және бейімделуін жеңілдетуге бағытталған бірлескен іс-шаралар жоспары бекітілді.
